Moet jy ’n belangrike besluit neem? Miskien lê jy snags wakker daaroor. LIESEL KRAUSE-WIID gee riglyne oor hoe jy kan weet wat God se wil is en wat Hy vir jou wil hê.

Jy hoef net te vra dat Hy jou met die groot besluit sal help omdat jy nie jou eie kop wil volg nie, maar Hom tevrede wil stel. Vra leiding en glo jy sal berusting kry oor hierdie besluit.

Bid en lees die Bybel om God se wil te verstaan

Jy kán daardie vrede kry wat alle verstand te bowe gaan.

In Johannes 14:27 staan daar: “Vrede laat Ek vir julle na; my vrede gee Ek vir julle. Die vrede wat Ek vir julle gee, is nie die soort wat die wêreld gee nie. Julle moet nie ontsteld wees nie, en julle moet nie bang wees nie.”

Wat jy nodig het, is iets wat vir altyd sal bly: vrede te midde van jou omstandighede. Daardie rustigheid om te weet dat ongeag wat met jou gebeur, daar altyd Iemand is wat na jou kyk en vir jou sorg.