15 min. + baktyd 7 min.

24 koekies

300 g amandelmeel

50 g amandelsplinters

1 e kakao, opgehoop

1 t sout

1 t koeksoda

200 g amandelneutbotter

6 e rou heuning

2 t vanieljegeursel

1 t opgehoopte sterk

koffiepoeier, of 1 skoot espresso

koffiebone en haselneute vir garnering (opsioneel)

  1. Stel die oond op 200 °C.
  2. Berei ’n bakplaat voor met kleefsproei en besprinkel met amandelmeel.
  3. Meng al die bestanddele saam tot dit egalig gemeng is en ’n stewige deegtekstuur het.
  4. Neem ’n stuk deeg, rol dit in ’n worsvorm met ’n deursnee van 2 tot 3 cm, sny dan in stukkies van ongeveer 3,5 cm lank.
  5. Plaas die deegstukkies op ’n bakplaat, met genoeg spasie tussenin.
  6. Druk ’n vurk in kakao, en gebruik dit dan om elke stukkie deeg plat te druk. Die kakao help dat die deeg nie aan die vurk vasklou nie.
  7. Bak die koekies 7-10 minute.
  8. Bedruip met rou heuning en besprinkel met kakao sodra dit uit die oond kom.
  9. Laat afkoel en bêre in ’n lugdigte houer in die yskas.