Om antwoorde te memoriseer is nie genoeg vir langtermynsukses nie. Danksy platforms soos Wolkskool, verstaan leerders konsepte beter, bou selfvertroue en pak nuwe uitdagings met vertroue aan.
Om te memoriseer help vir vandag, begrip help vir môre
Baie leerders dink die geheim van goeie punte is om soveel feite moontlik te memoriseer.
Hoewel memorisering soms nodig is, is dit selde genoeg om langtermynsukses te verseker.
Wanneer kinders net antwoorde uit hul kop leer, vergeet hulle dit dikwels kort ná die toets.
Wanneer hulle egter verstaan waarom iets werk, kan hulle daardie kennis weer gebruik wanneer nuwe werk daarop voortbou.
Dit help hulle om met meer selfvertroue nuwe uitdagings aan te pak en probleme op te los.
Navorsing in die leerwetenskappe toon dat leerders wat konsepte verstaan en nuwe kennis met bestaande kennis verbind, dit beter in nuwe situasies kan toepas as leerders wat hoofsaaklik memoriseer.
Dink byvoorbeeld aan Wiskunde. As ’n leerder net ’n formule memoriseer, sonder om die beginsel daaragter te verstaan, val hulle maklik vas wanneer die vraag effens anders gevra word.
Dieselfde geld vir tale, Natuurwetenskappe en baie ander vakke.
Dit is juis waarom Wolkskool daarop fokus om konsepte eenvoudig en verstaanbaar te verduidelik.
Met videolesse, assesserings en ander leerhulpmiddels kry leerders die geleentheid om werk regtig te verstaan.
Help jou kind om nie net antwoorde te memoriseer nie, maar konsepte regtig te verstaan
Ontdek hoe Wolkskool jou kind se leerreis kan ondersteun by wolkskool.co.za.
Vra vir jouself gereeld “hoekom” eerder as net “wat”
Een van die beste maniere om begrip te ontwikkel, is om kinders aan te moedig om vrae te vra.
In plaas daarvan om net die antwoord te onthou, help dit om te vra: Hoekom werk dit só? Hoe pas dit by wat ek reeds weet?
Hierdie soort vrae help kinders om nuwe kennis met dít wat hulle reeds weet te verbind.
Wanneer hulle die groter prentjie begin sien, word leer betekenisvoller en onthou hulle konsepte makliker.
As ’n kind met ’n konsep sukkel, hoef dit nie te beteken dat hy of sy nie slim genoeg is nie.
Dikwels is al wat nodig is ’n ander manier om die werk te verduidelik.
Soms maak een voorbeeld, ’n eenvoudige verduideliking of ’n kort video die verskil tussen verwarring en begrip.
Met Wolkskool kan leerders moeilike konsepte weer en weer deurwerk totdat dit sin maak.
Hulle bepaal hul eie tempo en kan teruggaan na verduidelikings wanneer hulle dit nodig het. Só word leer minder stresvol en baie meer verstaanbaar.
Bou eers deeglike begrip voordat die volgende hoofstuk begin
Elke nuwe onderwerp bou op kennis wat reeds aangeleer is. Daarom is dit belangrik om moeilike konsepte onder die knie te kry eerder as om uit te stel.
Wanneer ’n leerder een hoofstuk nie regtig verstaan nie, raak die volgende hoofstuk dikwels nóg moeiliker.
Met gereelde hersiening en die regte ondersteuning kan hierdie kennisgapings betyds aangespreek word voordat dit groter probleme veroorsaak.
Dit is waar Wolkskool ’n waardevolle verskil maak.
Met videolesse, flitskaarte, assesserings, werkkaarte en ander leerhulpmiddels kan leerders werk hersien, moeilike konsepte beter verstaan en hul kennis stap vir stap versterk.
Hulle hoef nie te wag vir die volgende toets of eksamen om agter te kom waar hulle sukkel nie.
Wanneer begrip groei, groei selfvertroue ook. En wanneer kinders met selfvertroue leer, is hulle beter toegerus om nuwe uitdagings aan te pak en volhoubare akademiese sukses te behaal.
