Soos ons ouer word, word ons lyf swakker. Daarom is dit belangrik om met gewigte te oefen om jouself sterk te hou.

Daar bestaan hierdie wanpersepsie dat vroue butch of bulky gaan lyk as hulle met gewigte oefen. Vir dit om waar te wees, moet jy ’n oorvloed testosteroon in jou liggaam hê of verskriklik baie eet.

Om met gewigte te oefen, hou soveel voordele vir ’n mens in. Die eerste en die belangrikste is dat die herstelproses nadat jy met gewigte geoefen het, soveel langer is as met aërobiese oefeninge.