Die Evangelies sê min oor die Saterdag (Sabbat) tussen Goeie Vrydag en die opstandingsdag (Sondag). Dit het egter groot betekenis vir gelowiges, sê ISAK BURGER.

Die dag tussenin het ’n groot simboliese betekenis

Dit was seker die één dag in die geskiedenis toe niemand geglo het dat Jesus weer sou lewe nie: “stil Saterdag” of “heilige Saterdag”.

Net Jesus se vyande het aan die vorige dag as ’n “goeie” Vrydag gedink. Vir die Fariseërs, die skrifgeleerdes en godsdienstige leiers was dit ’n triomfantelike dag.