’n Baie algemene opvatting is dat jy urelange kardiosessies moet doen om vet te verbrand. Doen eerder kragoefeninge om jou metabolisme te versnel.

Kardio is baie goed vir ons kardiovaskulêre gesondheid, maar as kardio- en kragoefeninge met mekaar kompeteer vir langtermyn vetverbranding, wen kragoefening die goue medalje!

Jou liggaam raak nie net vinnig gewoond aan jou kardiosessies nie, maar gewigsverlies as gevolg van kardio kom van vet en spierverbranding, wat tot ’n stadiger metabolisme lei en sodoende word ’n plato bereik.

Hoe meer spiermassa jy het, hoe meer kilojoules benodig jou liggaam, want spiere is metabolies aktief! Jou metabolisme is ook vinniger vir ’n langer tydperk na jou oefensessie, teenoor matige kardio-oefeninge, waar kilojouleverbranding terugkeer na normaal.

Jy het nie gimnasium-lidmaatskap of ekstra tyd nodig nie! Doen die volgende sommer by jou huis: Terwyl jy televisie kyk, doen ’n vinnige oefensessie gedurende elke advertensiebreuk. Met die eerste advertensie doen jy tien hurke, met tien nabygreeparmopstote en laastens tien opsitte.

Tydens die volgende breuk, gebruik ’n stoel en doen tien driekopspier-afsakke, gevolg deur tien hurkspronge en eindig met ’n plank-oefening. Roteer die oefensessies per ...