Hier is ’n paar maklike wenke om ’n dowwe, moeë gelaat weer lewe en glans te gee en te bevogtig met die regte grimering.

’n Egalige, glansende velkleur, hoë wangbene, ’n skraler gesigvorm en ’n bietjie kleur op die lippe en wange kan wondere vir jou selfbeeld verrig.

Begin deur jou vel met ’n verbronsende basislagie (primer) of ’n vogroom met ’n ingeboude basislaag voor te berei.

Gebruik ’n verbloemer om donker kringe, rooiheid en pigmentasie te bedek.

Die regte verbloemer onder en aan die binne- en buitehoeke van jou oë, die buitekant van jou neus en aan die kante van jou mond sal help om tekens van moegheid of veroudering weg te toor.

Wend ’n gekleurde bevogtiger bo-oor aan. ’n Stippelborsel wat amper so groot soos ’n poeierborsel is, is handig hiervoor.

Gekleurde bevogtiger is gewild aangesien dit dieselfde effek as onderlaag gee, maar terselfdertyd lig en gemaklik op die vel voel.

Jy kan ’n kontoer skep deur met ’n lipstiffie of -stokkie ligte en donker skaduwees te maak. Gebruik donker bronzers onder en ’n verligter ...