Soms moet jy juis ophou dink aan wat jou pla en tot aksie oorgaan, sodat wat jy doen jou negatiewe gedagtes in vreugde verander. 

Hou op met godsdiens – wees net by Hom 

Ons brein is so merkwaardig! Ons is neurologies ontwerp om patrone of sin in chaos te vind. Kom ons wees eerlik: God maak nie altyd sin nie. En ons soek sin, ons soek die patroon. Hoe is dit dat ons almagtige Vader toelaat dat ons seerkry? Dit maak mos nie sin nie.

Juis! Hierdie dinge is nie veronderstel om sin te maak nie. Ons is nie geskep om nou te verstaan nie. Ons bly in ’n stukkende wêreld.

Dink aan Naomi. Sy was so oop en eerlik oor haar seer. Sy was nie skaam om hierdie oordonderende gevoelens te deel nie. Inteendeel, ons lees sy het haar naam verander. Dit was eers Naomi, wat beteken “my aangenaamheid”. Hierna was dit Mara – “bitter”.

Dis so goed ek gaan na binnelandse sake, trek ’n strepie deur Melanie en vul “Kwaad” in. Kwaad Jacobs. Hoewel dit erg klink, is dit ...