Jy wonder of jou man jou regtig liefhet en of julle ooit moes getrou het. Is jy – of jou huwelik – dalk besig om uit te brand?

Onderskei tussen stres en uitbranding in jou verhouding

Tussen die kinders, julle werk, die familie, sy weeklikse gholf en jou gimsessies het jy skaars genoeg energie om hom hallo te soen! En erken dit nou maar: Soms lê jy wakker en wonder of dít werklik is hoe ’n huwelik moet wees. Jy is moeg, hy is moeg en (dalk) is jou huwelik ook moeg.

Jou verhouding met jou maat is veronderstel om jou woema te gee, maar nou gebeur die teenoorgestelde. Jy is uitgeput as jy net dink aan ’n lang toekoms saam met jou man.

Dit voel asof jy die enigste een is wat nog moeite doen met die verhouding. Party dae dink jy selfs dit is miskien tydmors om getroud te bly. Dit maak jou moeg om aan hom aandag te gee en jy vermy hom eerder – jy gaan slaap al vroeër en staan later ...