’n Deurmekaar lewe laat jou oorlaai, besig en gespanne voel! “Leer hoe om jou lewe onder beheer te kry, te prioritiseer en tyd te maak vir alles, almal én jouself,” sê ROLENE STRAUSS, sakevrou en lewensafrigter.

Ons aandag word konstant verdeel op ’n miljoen verskillende maniere weens onderbrekings en sosiale media. Dit veroorsaak dat ons ’n reaktiewe lei wat ook angs kan veroorsaak.

Om die heeltyd te moet reageer, kan oorweldigend wees as ons nie ’n plan het nie.

Skryf jou prioriteite en datums neer en voorkom krisisbestuur

Wat is vir jou die heel belangrikste? Dit kan Bybelstudie, speeltyd met jou kinders en gereelde afsprake met jou man wees. Skryf hierdie datums en tye dan eerste in jou skedule in.

Selfsorg en jou gesondheid moet ook hoog op jou lys wees. Beplan gesonde maaltye, oefensessies en kuiers met jou hartsvriendin.

Hierná koppel jy datums en tye aan jou meer werksverwante pligte en jou verantwoordelikhede teenoor jou gesin en gemeenskap.

Alles lyk mooi op papier … nou moet jy voorberei. Dink daaraan om drie etes op ...