Koejawelgebak

348

10 min. + baktyd 25 min.
6 mense

BESTANDDELE

9 ryp koejawels
1 e olyfolie fyn kaneel vir bo-oor sprinkel
6 groot eiers
2 e vanieljegeursel
2 e rou heuning
1 t sout
100 g amandelmeel
6 Ryvitas, gekrummel
½ t kaneel
1 e rou heuning om oor te sprinkel

METODE

1 Sny die koejawels middeldeur, en braai in ’n warm pan met olyfolie tot goudbruin. Besprinkel met kaneel.
2 Stel die oond op 200 °C.
3 Berei ’n groot muffinpan voor met kleefsproei.
4 Klits die eiers, vanieljegeursel, heuning en sout tot lig, en voeg dan die amandelmeel by. Roer goed.
5 Gooi helfte van die eiermengsel eweredig in die 6 holtes van die muffinpan.
6 Plaas 3 halwe koejawels in elke holte, en giet dan die res van die eiermengsel bo-oor sodat dit die koejawels bedek.
7 Sprinkel Ryvita-krummels en kaneel oor en bedruip met rou heuning.
8 Bak vir 25 minute.
9 Laat effens afkoel en dien warm op.