Om méér vir mense om te gee

266
Geloofsterapie
Geloofsterapie

Die kuns is nie om minder van  jouself te dink nie, maar eerder  om minder aan jouself te dink.  Om ander se behoeftes eerste raak  te sien, sê GRETA MULLER.

In C.S. Lewis se boek Prince Caspian het Lucy te make met Aslan, die skrikwekkende maar wonderlik wyse leeu met die vriendelike oë.

Sy sê vir die leeu dat hy vir haar groter voel as wat hy eintlik is. Hy sê dis omdat sy ouer geword het: “Maar elke jaar wat jy groei, sal jy my groter vind.”

Aslan groei in Lucy se oë omdat sy, soos sy ouer word, meer verstaan en meer kan absorbeer. Net so bly die Here dieselfde, maar ons bly groei. Soos ons geloof groei, word Hy vir ons al hoe groter.

Hy openbaar Homself aan mense wat kies om gehoorsaam te wees. Hoe meer ’n mens Hom leer ken, hoe meer gaan jy Hom liefkry. En hoe belangriker word Hy vir jou.

[VIDEO] Om méér vir mense om te gee

Moeder Teresa het dit raak beskryf. Sy het gesê nederigheid is die moeder van alle deugde; suiwerheid, liefde en gehoorsaamheid. Beskeidenheid maak ons liefde konkreet en maak ons toegewyd en vol passie vir wat reg is.

’n Nederige vrou sal haarself nooit op ’n voetstuk plaas nie. Dis gevaarlik, omdat ’n mens kan afval – soos baie geloofshelde in die Bybel.

Dis soos om op die saal van ’n meganiese bul te sit, wat jou vir seker gaan afgooi. Ons moenie so desperaat aan die “saal” van prestasie en besittings vasklou nie. Natuurlik is dit moeilik, want dit kompeteer met die eie ek.

Ons moet leer om Hom met die toekoms te vertrou. As ons dít kan regkry, word dit moontlik om ander mense as ewe belangrik te sien.

Dan eers kan ons ophou kompeteer om ons trots te bevredig. Ons kan met empatie, eerder as afguns, na ander begin kyk. En hoop dat hulle gered sal word van die meganiese bul waarop húlle probeer ry.

Beteken dit dat jy ’n vloermat moet word? Dat almal oor jou mag loop om voordeel uit jou te trek? Natuurlik nie. Dit gaan eintlik meer oor ’n houding teenoor jouself as teenoor ander. Jy fokus meer op die mense om jou as op jouself.

’n Trotse vrou, aan die ander kant, dink meer aan haar eie voordeel as aan ander mense s’n. Sy glo dat sy beter is as die vrou wat by die verkeerslig staan en bedel en dus beter dinge verdien. Maar trotse mense word verteer deur afguns.

Jesus het dit reggekry om gebroke mense, vol sonde, eerste te stel. Dit was ’n aktiewe, bewustelike keuse en proses van vernedering tot voordeel van ander.

Niemand wil verneder word nie, trouens, ons doen alles om dit te vermy. Die geheim is dat vernedering vrugbare grond skep vir beskeidenheid om in te groei.

Die pynlikste maar beste manier om nederigheid te leer, is om verleentheid nie as dryfsand te sien nie, maar as kompos. Dit laat jou groei!

’n Boek wat jóú lewe sal verander!

“As jy op soek is na die beste dagstukkieboek om saam met jou Bybel te lees en in die proses meer van God se hart vir jou te leer ken, is MY ÉÉN WOORD jou antwoord. Week na week word een waarheid, woord vir woord deel van jou gedagtes en hoe jy jou geloof laat groei. Jy kan sodoende in jou stiltetyd alles leer van een saak op ʼn keer – eerder as om heeldag oorweldig te voel deur te veel inligting en dan niks van alles te leer nie.” –NADINE BLOM, motiveringspreker

My een woord Koop die boek MY ÉÉN WOORD  aanlyn by voelgoedboeke.co.za.

R154 R219