Kyk in die spieël vir lewensverandering. Dikwels gesels jy met ’n vriendin oor ’n koppie koffie en vertel dan met groot oortuiging dat jy graag die een of ander land wil besoek of ’n musiekinstrument sal wil leer speel.

Jy wil dalk in daardie mooi huis bo-op die berg bly. Jy begeer baie ander dinge wat die lewe soos ’n wortel voor jou neus hou, met al die advertensies in die media.

Soms kan party van ons selfs die jaagduiwel in ons hê en wens dat ons daardie spierwit Porsche kan bekostig ...