Elke dag is propvol eise en verwagtings, soms meer as wat jy voel jy kan hanteer. Jy smag na ’n spesiale tyd met God en om in Sy teenwoordigheid verander te word …
Voelgoed Media se Vroue wat glo-bediening kom Kaapstad toe vir Régte vroue. Régte geloof, ’n vroue-oggend, gevul met Bybelse lering, bemoedigende stories, en kragtige getuienisse van geloof in moeilike tye.
Ons drie sprekers, gasvrou en gaskunstenaar se lewens is vir altyd verander deur ’n ontmoeting met God. Kom luister hoe Karien Basson, Benescke Janse van Rensburg, Almarie du Preez en Rouchelle Liedemann God vertrou het terwyl hulle gesukkel het om hulle geloof te behou.
